Мемлекеттік тапсырыстар

Басқарушылық шешімдер қабылдау процесінде ақпараттың ірі ағынына байланысты ситуацияны модельдеу және оның өзгерістерін болжау қажеттілігі туындайды. Осы мақсатта түрлі жобалар шеңберінде компания өңірлер аумақтарын дамыту, өндіргіш күштерді орналастыру және қала құрылыстық жобалау бойынша жобалау ұсыныстарын пысықтау үшін модельдер мен мамандандырылған бағдарламалық модульдер әзірлейді.

Халықтың тіршілік-қызметінің тиісті салаларына қабылданған шешімдердің салдарын бағалауға бағытталған Қазақстан Республикасының әлеуметтік қарбаластығы мен экономикалық-экологиялық жағдайының ситуациялық моделі әзірленді.

Өңіраралық салааралық теңгерім моделі өңірлер кесіміндегі бірқатар экономикалық көрсеткіштердің өсу деңгейін болжауға, сондай-ақ елдің өндіру және тұтыну теңгерімін ескере отырып өндіргіш күштерді орналастыруды модельдеуге мүмкіндік береді.

Болжам – бұл зерттелуші мәселе бойынша оқиғалардың перспективаларын немесе оқиғалардың өрбуін зерттеу. Компания болжауды түрлі ғылыми әдістер қолдана отырып экономикалық-математикалық модельдеу негізінде жүргізеді.

«Қазақстан-2050» стратегиясын ескере отырып 2050 жылға дейін өзектендірілген «Қазақстан Республикасының аумағын ұйымдастырудың бас схемасы» қала құрылысы жобасының шеңберінде алынған Компанияның халық санын өңірлер бойынша 2030 жылға дейінгі кезеңде жынысы мен жасы бойынша болжауда тәжірибесі бар.

Модельдеу процесін іске асыру үшін көбінесе процесті автоматтандыру қажет, себебі қолданбалы бағдарламалар пакеттерінің көпшілігі жалпылама тапсырмаларға арналған. Осыған байланысты компания мамандандырылған бағдарламалық өнімдер әзірлеуге машықтануда. Әзірлеу мақсаты – халықтың тіршілік-қызмет процестерін есептеу және бағалау, сондай-ақ күрделі экономикалық процестерді қарапайым қолданушының жеңіл қабылдауы үшін нәтижелерін визуализациялау.

Біз мынадай бағдарламалық өнімдерді мақтанышпен таныстыра аламыз:
• Ситуациялық модельдеу модулі (бағдарлама әлеуметтік қарбаластық пен аумақтың экономикалық-экологиялық жағдайына қабылданған шешімдердің салдарын бағалауға арналған);
• Қазақстан Республикасы аумағының қала құрылыстық пайдаланылуын кешенді бағалау Web-порталы (бағдарлама әр түрлі шаруашылық түрлері үшін аумақтың қолайлылығын бағалау мақсатында әзірленген);
• Өңіраралық байланыстарды айқындау және модельдеудің мамандандырылған құралы (бағдарлама өндіру және тұтыну теңгерімі негізінде өңіраралық кооперацияны дамыту мүмкіндігін бағалауға арналған).

Мемлекеттік органдар тапсырыстары бойынша Компания әлеуметтік-экономикалық және қала құрылыстық жоспарлау жобалары шеңберінде халықаралық семинарлар, дөңгелек үстелдер, көрмелер өткізеді.